Parik'anku

Jeniper Lopes nyidam pete
pete amerika larang regone

Karepe ati pengen oleh adik'e
lha kok sing kenek malah mbakyune



Sri minggat jare tuku trasi
karo salto,mlayu ning ratan
ora ngomong ngajak ning resepsi
Tanpo salin klambi,bar ngecet pisan..


Justin Biber sarapan ketan
tuku es teh kutah ning dalan.
cewek ayu dadi rebutan.
sing lumayan,aku ra uman

Kulon pasar nggon tuku kalung
Kidul sitik depot Khentuky.

Nduwe pacar wae durung.

Kok ditakoni,kapan rabi

Hary Poter tuku terasi
mbak Miyabi ramban kemangi
Akeh pejabat pinter korupsi
Koco pecah jare anarki

tuku jemblem diwadahi amplop
nyunggi wakul,mulih bancak'an.
adem-adem kok nganggo ten top.
nuruti gaul,sesuk kerok'an


buah ning lemah jenenge telo
buah ning dodo larang regane
atine susah jarene galau
kumpul konco seneng rasane

hadiah lotre wadahe kerdus.
tuku kapur barus kurang susuk'e.
isuk sore kok ora adus
adus ra adus podo nggantenge


Britney Spir nanggap jaranan
penonton ngiyup mergo kudanan.
dicium bibir durung jaminan
nek wis ngelamar baru tresno tenan.


numpak bemo ning Suriname.
nyunggi krénjang oleh piala.
melu demo jare Nasionalisme
tapi sayange ra apal Pancasila.



jaket kumél teko jakarta
nganggo capil rupane biru.
jare kéndél-kéndél cewek ning kota
njajal tak jawil,dikaplok raiku.


lomba ngelangi juara siji
kali asat ra ono banyune
iso ngomongi,rung iso nglakoni
kuwi contone yo aku dewe


tuku brondong hadiahe sandal.
nonton badut sangune kacang.
rambut gondrong jarene metal
krungu ndangdut kesusu goyang


duwe korek dislempetno kutang
nyumet mercon kok kebledosan
bocahe korak ngaku anak pang
nonton sinetron,iluhe dredesan.


ono turis mangan roti bolu
ketok'e ngelak,tak ke'i ngombe.
matur nuwun jarene tank you
nek "kloloten",opo basa inggrise?


Mbah Parjo nyanyi Linkin Park
putune njoged ketok udele.
Ayo konco podo sing kompak
bahu membahu nyambut gawe.


loreng loreng klambi tentara
Resleting rusak ditaleni kawat.
sak akeh akehe kata mutiara
ora guna nek niat kurang kuat


klopo jarene krambil.diperes santéne,dicampur jangan lodeh..
masio tumpak'anmu mobil.nek cae cintane karo aku,piye maneh.

nggowo tombak kudungan taplak
cinta ditolak kok malih koplak..

iwak bandeng regane sewu.
menyang Gresik dodolan jamu
.nek pancen seneng karo aku,
putus disik karo pacarmu.


Numpak pesawat sangune apem.
Kulino sholawat atine ayem..


Ronaldo budal ning pasa
pilih nyetir kok ra helmman.
nek kerjo wis mesti oleh bayar
ganti mikir golek pengalaman.


ning neroko dodol es buah
turu ning kasur gawene nglindur
rasane urip pancene susah,
nek gak pinter bersyukur dadine ngawur.


tabung elpiji wis entek gaze
adang sego maténge suwe.
andeng2 ning pipi aduh manise.
ngono kuwi opo wis ono sing nduwe?


Wisanggeni mangan trasi
trasi ora doyan, ijol kuwaci.
sing ditresnani cowok berdasi
ndlalah tibak'e kok sales panci


jenang gulo njero bungkusan
timbang galau mending SMSan

buah dondong dinggo rujak'an
masio gondrong tapi apik'an

lungguh kloso pancene gratis
senajan ndeso tapi romantis

mangan pangsit nduwur bayang
senyum sedikit dong sayang

rasane pedes sambel goreng ati
ketok'e judés tp kok baik hati..


tuku gorengan wadahe mangkok
ra nduwe gandengan mung rokak rokok..

numpak kebo ning Belgia
masio jomblo tetep bahagia

wewe gombel ngrikiti pete
masio gembel penting duite